إنسانة جوايا بتطلع في أوقات قليلة.. بأحب أقرالها و بأحب رسمها
إمبارح قرأت في كراريسي القديمة.. أقدم حاجات مكتوبة من11 سنة و أجدد حاجة من سنتين، لطيفة بجد.. أيام الإمتحانات كانت مش بطالة بقى! في حاجات بأستغرب إنني أنا إللي كاتباها أصلاً.. حاجات كده شكلها أعلى من مستوايا! في هلاوس من أيام الامتحانات بتفكرني بتدوينات معينة لماعت.. و كله صور و ألوان
ساعات بأوحشني لأن في أيام كتير ما بأبقاش عارفاني أصلاً.. بس إللي قرأتهولي إمبارح خلاني أستظرفني تاني.. الكراريس القديمة دي فكرة هايلة
Sun, 06/24/2007 - 12:15
انت عارفة، انا كمان بيحصلي كده برضو..لما أفتح كتبي (هى مش كراريس يعني هى كتب) القديمة وأقرأ إللي انا كنت كاتباه استغرب جدا..هو أنا اللي كتبت الكلام ده؟؟؟؟ لو فكرت شوية مش هاعرف اكتبه تاني أصلا. وفعلا أيام الأمتحانات الواحد بيبدع هلاوس عالية جدا جدا ومستوى عالي من الكتابة.
Post new comment