المية انقطعت يوم السبت طول اليوم.. أصل في ماسورة مكسورة تحت الكوبري
المية انقطعت يوم الأحد.. أصل في ماسورة تانية اتكسرت في ميدان الجيش
الحرارة اتقطعت من التليفون 3 مرات في أسبوع واحد
مش عارفين يركبولي دي اس ال بقالهم شهر و غالباً هم السبب في قطع الحرارة
مترو الأنفاق بيسرب مية و هيقع على دماغنا
ماحدش بيعرف يسوق عربيات
من أجل كل ما سبق، أناشد السادة المسئولين بالتروي في موضوع الطاقة النووية ده شوية لأننا لسة مش مستعدين للنووي. يعني ممكن لما بإذن الله كده نصلح تسريبات المية و المترو لأن المفاعل مش هيسرب مية
Mon, 11/27/2006 - 20:51
ههههههههههههههه
ايه التشاؤم ده
يعنى مش واثق من قدرة الحكومة فى ادخالنا العصر النووى من اوسع ابوابه ؟
مهى دى اللى انت خايف منها مواربة الباب الاوسع من ابوابه بعدها ربنا يكرمنا كده والريس جيمى يجيبلنا تشيرنوبل صغنطوط وندخل من اوسع ابواب المذكور اعلاه على مصراعيها
اما بالنسبة للمترو والتليفوون و..................الخ فدى مش غلطة الحكومة التكترونية اللى ىهتبقى نووية قريب سيادتك لا
دى غلطة الشعب الى مش مقدر افضالها عليه ومش عارف يتسربله ده غير انه مش عارف يتحكم من الاول
مش عارفة هتبطلوا بطر عالنعمة امتى على راى د. سوزانت اللقلينى بتاعة الحزب الوطنى ؟
Post new comment