إليكم نكتتي المفضلة:
واحد خواجة جاء مصر فأخد تاكسي من المطار. السواق شاف الإشارة حمراء، فراح فووووو معدي بسرعة و كسرها فالخواجة قعد يصرخ " يو آر كريزي، إيت واز ريد" (أنت مجنون، الإشارة كانت حمراء) فطمأنه السواق و قال " دونت ووري يا خواجة، مي إيجيبشن بروفيشيونال درايفر"
و بعدين جائت إشارة حمراء تانية و برضه بسرعة فووووو و الخواجة حيتجنن " ما قلنادونت ووري يا خواجة، آي آم إيجيبشن بروفيشيونال درايفر"
و بعدين جائت إشارة خضراء فراح السواق مهدي خالص فأتنرفز الخواجة " واي دو يو ستوب ناو، إيت إيز جرين؟" فراح السواق مشاور له بإيديه من اليمين و الشمال و قاله " ماي بي إيجيبشن بروفيشيونال درايفر كام فروم هير، إيجيبشن بروفيشيونال درايفر كام فروم ذير!!"

دائماً ما أتذكر هذه النكتة و أنا خلف عجلة القيادة و خاصةً عند الإشارة إللي على ناصية شارع واكد المتفرع من شارع الجمهورية و أيضاً في شارع عماد الدين
برضه الحرص واجب ده إحنا كلنا بروفيشيونالز!!